اسكت واحضني

لا تشكي ولا تصرخ ... أنا أفهمك

... أنا أسمعك..

ما أتغلى عليك..

بس ما أبي أسمع شكواك..

ما ودي اسمع منك نوح..

لكن ..

ودي اسمع لواعج الشوق..

أبي حر الأشواق يحرق قليبي..

خلي البوح ينطق غرام مبتليني ..

الله يخليك لا تشكي

من الشوق والبعد..

تعال ...

وأطوي مسافات

الوله بلحظة

ولفني بحنانك..

اركض واحضني ..

عاتب كثر ما تبي

ولكن خليك في أحضاني ..

يا وليف الروح

يكفي ملام وعناد..

لان العتاب لو زاد ...

لا تستغرب لما

يشتعل فيني جمر شوقي لك

وأصرخ مثل اللحين:

اسكت يا غرامي وبشوقك احضني..

بقلمي: وردة